Home

Advertisement

Customize
 
Previous | Memories | Tell a Friend | Next
 
siaroja
siaroja
15 November 2008 @ 12:31 am
Першы паэтычны слэм "Вершамі Вуліцы". Пасьляслоўе.  
- Піва. Сьветлае... Дзякуй!
Расплачваюсь наяўнымі з афіцыянткай "Добрых Мысьлей" ды двумя глыдкамі выпіваю палову куфля. Ногі яшчэ ватныя, і смага застаецца. Людзі мітусяцца, пахлопваюць па плячы і віньшуюць з удалым слэмам. Здаецца, нічога не рабіў, але адчуваю, што сілы сыходзяць...

---

А шостай гадзіне "Добрыя Мысьлі" сустрэлі пустымі столікамі ды самотнымі афіцыянткамі. Усё зьмянілася праз гадзіну. Шэрагі крэслаў былі забітыя пунктуальнымі гледачамі, а ля барнай стойкі туліліся спаўзьніўшыеся так шчыльна, што яблыку не было дзе ўпасьці. Арт-дырэктар ДМ стаяў на ганку ды зачыняў на замок дзьверы - відаць ніяк не разьлічваў на такі аншлаг...
Пасьля спробы растлумачыць гледачам, што ж сёньня будзе адбывацца ды прачытаўшы ўласны верш у якасьці эпіграфа, стартаваў вір паэтычных выступаў!

Шчыра кажучы, мяне вельмі парадаваў як сярэдні ўзровень паэтаў, так і запомніўся амаль кожны выступ паасобку. Дзяўчыны на фоне хлопцаў крыху згубіліся, хаця запомнілася, напрыклад, Алеся Іванькова - выступала стоячы на крэсьле і падкрэслівая свае палёты ў аблоках; Ева Гілевіч падрыхтавалася і прыйшла нават з рэквізітам, а Надзейка Кропачка апынулася хлапчуком, які лежачы на крэслах чытаў а псіхбальніцах.

Для мяне слэм адчыніў новыя імёны: Адам Шостак выступаў арыгінальна і спрабаваў зрабіць перформанс з каменьчыкамі, але з-за адсутнасьці групы падтрымкі ня меў шансаў прайсьці ў паўфінал; Коля Безбазаров вылучаўся на фоне астатніх лёгкасьцю слова і частым ужываньнем матаў. Ня дзіва, што ён дайшоў да паўфінала.

Парадавалі і сталыя ўдзельнікі "Вершамі Вуліцы". Анатоль Івашчанка падрыхтаваўся і завучыў тэксты на памяць. Мо, крытыка паўздзейнічала? Але хацелась бы чуць новыя вершы ад яго. Андрэй Адамовіч добра выступіў у першым туры ды фінале. У паўфінале ж ня лепшым чынам, бо відаць быў крыху шакаваны працягам сваёй барацьбы (Усё ж выявіліся хібы галасаваньня каляровымі паперкамі. Былі заўважаныя фальсіфікацыі. Але куды бязь іх у нашай краіне). Андрэй Ломаў прыйшоў за 5 хвілін да выступа і быў падрыхтаваны ня лепшым чынам, але яго ў нас ужо ведаюць і любяць, а таму і з лёгкасьцю прайшоў у паўфінал, дзе спаборнічаў з Віталём Рыжковым. Паэтам, які ўжо даволі добра абазнаны ва ўдзеле ў разнастайных конкурсах ды слэмах. Было відаць, што ён прыйшоў перамагаць. Віталь чытаў вершы на высокім ўзроўні ўсе тры выступы, а ў паўфінале і фінале настолькі надхнёна, што яго супернікі - Ломаў ды Адамовіч заахвочвалі людзей галасаваць за свайго суперніка.

---

З кожным разам прыходзіць усё болей і болей людзей на паэтычныя вечарыны "Вершамі Вуліцы". Мы жадаем разьвівацца, і кожны раз прапануем новую форму іпрэзы. Летам быў закінуты прамысловы будынак з дамашняй абстаноўкай, у кастрычніку паэтычны вечар ва ўтульнай кавярні, зараз паэтычны слэм са спартыўнай злосьцю паэтаў!

26 лістапада сьвяткуем разам дзень народзінаў Караткевіча. Сустракаемся а 18:30 ля мемарыяльнай шыльды паэту ў Менску (насупраць тэатра Янкі Купалы) ды чытаем яго і свае вершы!

P.S. Хацелася б, каб разам з намі разьвіваліся і паэты. З кожный новай імпрэзай чыталі ўпэўненей. Зьяўляліся новыя імёны. А вядомыя ўжо нам творцы жылі ня толькі перамогамі былога дня, але і складалі новыя вершы ;)
 
 
Current Music: Нейра Дюбель - Беларусь uber ulles
 
13 comments | Leave a comment
 
( 13 comments — Post a new comment )
viershnick[info]viershnick on November 14th, 2008 11:21 pm (UTC)
ну нарэсьце. а то штось усе маўчаць:) (ці не?)
siaroja: DIY[info]siaroja on November 15th, 2008 09:46 am (UTC)
Ёсьць глядацкі водгук http://ceaser-by.livejournal.com/99030.html
Журналісты пакуль маўчаць. Ёсьць такое падазрэньне, што маўчаць будуць і далей.
Цікавей жа абсмактаць яшчэ разок сітуцыю ў Купалаўскім, альбо напісаць пра "Будзьму" на "Белсаце"

Мы прывыкшыя што нашыя мерапрыемствы не ўваходзяць у актуальныя навіны-справаздачы. Што не замінае нам зьбіраць аншлаг на "Вершамі Вуліцы", а Пошук праводзіць раз на 2 тыдні ;)
(Anonymous) on November 14th, 2008 11:25 pm (UTC)
Дзякуй, Сяржук! Слэм вельмі спадабаўся. Матаў было не так і шмат, магло быць значна болей ;) Скажы, калі будзе якое відэа ці хаця б фоткі.
Коля Безбазаров.
niareisha[info]niareisha on November 15th, 2008 06:59 pm (UTC)
прывітаньне! вялікі дзякуй за то, што імкняцеся нешта рабіць, за ўвагу да паэзіі. вечар атрымаўся добры, час дарма ня згублены. яшчэ раз дзякуй.
але... выкажу пару зьмястоўных заўваг - папярэдне прашу не крыўдаваць))
сама па сабе арганізацыя была досыць слабай. па-першае Табе, Сяржук, варта прадумваць больш старанна ўласныя паводзіны на сцэне. а йнакш атрымліваецца няўцямна ды нудна. да таго ж... Ты, як вядоўца, КІРУЕШ усім, што адбываецца. ці быў Ты на першым слэме, што быў падчас "Парадку Словаў"? ці бачыў Ты, як рабіў сваю справу Андрэй Хадановіч? тры хвіліны выйшлі - стоп! удзельніка трэба гнаць са сцэны! нават калі ён верш не пасьпеў дачытаць! а то на гэтае "ну можно еше одно", "ну маленькое" - было мярзотна глядзець...
па-другое. дзіўнае рашэньне з патаемным галасаваньнем гэтымі квадрацікамі. на слэме галасаваньне мусіць быць АДКРЫТЫМ і праводзіцца адразу пасьля выступу ўдзельніка. тады ёсьць сапраўдны драйв і цікавасьць. а інакш - сумна ды сонна...
столік для галасаваньня нібыта адмыслова разьмяшчаўся ў самым цёмным кутку. супаставіць колер квадраціка ды колер бэйджа было вельмі складана.
каб пазьбегнуць фальсыфікацыяў, можна было зрабіць прасьцей. скажам, раздаць кожнаму гледачу "камплект" квадрацікаў. прызнаюся (ды Ты й сам бачыў))) - я за некалькіх удзельнікаў укідвала па жменьцы Блянкаў. і не саромелася гучна ў гэтым прызнавацца. гэта не адсутнасьць сумленьня, а контракцыя супраць дрэннай арганізацыі :)
па ўдзельніках выказвацца ня буду. параю толькі ня так актыўна выкарыстоўваць на карысьць большасьці слова "паэты". ня варта ўводзіць людзей у заблуджэньне.
паэзіі было мала. але ня гэта самае важнае ў слэме, ці ня так? =)
дзякуй за ўвагу. Ірынка.
siaroja: DIY[info]siaroja on November 15th, 2008 07:47 pm (UTC)
Дзякуй за ўвагу!

Ні воднага слэму да гэтага ня бачыў, а таму і дзейнічаў так, як падказваў розум. Сьвістка не было, а таму і зганяць прымяняючы фізічную сілу не хацелася. Тым болей, што другая арганізатарка ставілася яшчэ больш лаяльна да выступоўцаў і не лічыла, што за 3 хвіліны можна сябе прэзентаваць.
У параўнаньні з такой "культурнай глыбай" як Хадановіч я блазьнюк. Ды і выступаў я на сцэне ў якасьці вядоўцы можна сказаць упершыню. спадзяюся з часам прыйдзе больш упэўненасьці. (а што дакладна было цьмяным і нудным? цікава на будучыню)
З квадрацікамі быў эксперымент, які ня ўдаўся. У наступны раз будзем рабіць з адзнакамі. Дарэчы, як лічыш, выяўленьне лепшага ў паўфінале і фінале гучнасьцю дэцыбелаў - нармалёва?

як "паэтаў" параіш называць? =)
niareisha[info]niareisha on November 15th, 2008 08:54 pm (UTC)
сьвісток мець неабавязкова :))) можна проста гучна абвяшчаць "Стоп!" і не паддавацца на жаласьлівыя мольбы з боку ўдзельнікаў))) тут ня мусіць быць ляяльнасьці. гэта ня школьны конкурс, а слэм. шоў.
наконт магчымасьці-немагчымасьці прэзэнтаваць сябе за тры хвіліны... тут такая справа, што для слэма можа быць дастаткова аднаго-адзінага твора, каб усё стала зразумела. калі чалавек хоча як мага шырэй пазнаёміць слухачоў са сваёй творчасьцю - няхай выдае зборнік ды ладзіць прэзэнтацыю. а тут - зусім іншыя правілы. і гэтыя правілы мусяць вытрымлівацца жорстка. іначай гэта ня слэм.
наконт цьмянасьці ды нуднасьці - тут нашмат лепшых ад маіх парадаў дасьць падручнік па рыторыцы))) калі каротка - варта быць больш сьціслым ды энэргічным. ізноў жа - не забывацца, што гэта шоў.
з дэцыбеламі - нармальна)))

а "паэтаў"... пытаньне вельмі коўзкае))) называй так, як падказвае сэрца. паэт - гэта ўнутраны стан, а ня здольнасьць рыфмаваць.
viershnick[info]viershnick on November 15th, 2008 08:31 pm (UTC)
"і праводзіцца адразу пасьля выступу ўдзельніка"
гэта ж не фігурнае катаньне. тут - тэорыя адноснасьці.
што да фальсіфікацыяў.. так, мы ўсе да іх прызвычаіліся. але я б пасаромеўся прызнацца.. я б, калі б быў гледачом, і ўбачыў, што хтосьці ўкінуў жменю, папрасіў бы арганізатараў пачаць падлік спачатку.. згубілі б пяць хвілінаў, але захавалі б твар.. а так - усё па-наску..(

niareisha[info]niareisha on November 15th, 2008 09:24 pm (UTC)
я не сьцьвярджаю, што ўсё мусіць быць дакладна па правілах. але арганізатар мусіць імкнуцца да найлепшай, найцікавейшай формы. я мяркую (і ня толькі я), што адкрытае галасаваньне адразу пасьля выступу на слэме - цікавейшае. я - глядач. я прыходжу затым, каб было цікава. маё права даваць рэкамэндацыі.
наконт "фальсыфікацыяў"... нешта ніфіга Вы, Анатоль, не зразумелі. я падобная да ппрб, каб сфальсыфікаваць нейкі вынік, а потым радасна прызнацца? адмыслова для Вас тлумачу: я закінула ў скрыню некалькі жменяў квадрацікаў за некалькіх удзельнікаў. сярод іх, мажліва, былі й Вы - ня памятаю. маёй мэтай было не прапхнуць далей графамана вулічнага паэта Колю Безбілетава, напрыклад, а даказаць несправядлівасьць ды немэтазгоднасьць такога спосабу ацэнкі ўдзельнікаў. каб я мела іншую мэту - паверце, мая фаварытка [info]voskresla абавязкова прайшла б у паўфінал ;)))))) таму ня трэба ціснуць на "охохохонюшкі, усё як заўжды". усё справядліва. перамог наймацнейшы.
viershnick[info]viershnick on November 16th, 2008 09:19 am (UTC)
адказваю разгорнута:
http://viershnick.livejournal.com/41379.html
siaroja: Рукі[info]siaroja on November 16th, 2008 10:24 am (UTC)
Ведаеш, як пры галасаваньні квадрацікаім, так і пры галасаваньні адзнакамі, ёсьць як свае плюсы, так і мінусы.
Вось, напрыклад, калі галасаваць адзнакамі, то, я так разумею, абіраюцца 5 сябраў журы. Ставяць адзнакі выступоўцам. Але ім няма з чым параўноўваць, а таму могуць усім заніжаць адзнакі, напрыклад. Пасьля некалькіх выступаў склад журы мяняецца. І гэтыя пачынаюць усім завышаць балы. Акрамя таго сябрам журы можа быць хтосьці з групы падтрымкі аднаго з паэтаў, які свайму сябруку паставіць вышэйшую адзнаку, а астатнім будзе заніжаць.
niareisha[info]niareisha on November 16th, 2008 11:01 am (UTC)
у гэтым і сутнасьць слэму)))) слэм - гэта ня конкурс маладых літаратараў. падчас слэму я магу зьнізіць удзельніцы адзнаку з-за таго, што мне яе фрызура не спадабалася. ці надбавіць удзельніку, бо ў яго голас сэксуальны. калі табе трапіліся адзнакі, а выступовец - твой сябар, ты спакойна можаш выставіць яму найвышэйшы бал, нават калі ён абасраўся па поўнай на сцэне. і ніхто зь цябе за гэта не спытае.
і нашто параўноўваць?)) калі браць прыклад са спадара [info]viershnikа ды пачаць глябалізаваць, то я Табе вось што скажу - шмат бедаў нашых ад звычкі параўноўваць. тут гэ, але там гэ яшчэ большае, таму буду рабіць выгляд, што гэтае гэ - цукерка. а гэ па сутнасьці такім і застаецца, з чым яго не параўноўвай. паэт мусіць выступіць падчас слэму так, каб яму захацелася выставіць найвышэйшы бал без усякіх параўнаньняў. )))
chocoladis: зелёное[info]chocoladis on November 17th, 2008 07:57 am (UTC)
БЛИН !
огромное спасибо за вечер ))
просто отлично получилось! ))
а скопище народа подчёркивает интерес к проекту !
и отдельное огромное спасибо за встречу с Адамычем !!! ))) ( Андрей Адамович ) пусть и случайную )
мне очень понравилось !
замечательный вечер !если будет нужна помощ обращайтесь )))
; ))
спасибо
siaroja: я[info]siaroja on November 17th, 2008 09:07 am (UTC)
дзякуй, Насьця :)

ад дапамогі не адмовімся ;)
Напішы сваё мыла. Мы, калі будзем у наступны раз абмяркоўваць імпрэзу, дададзім цябе ў рассылку.

Дызайн абвестак/афіш/флаераў, іх раздрукоўка/распаўсюд, прыдумваньне прызоў, афармленьне самой залі - гэта толькі невялікая частка таго, што трэба рабіць кожны раз перад іпрэзамі...
 
 

Advertisement

Customize